擒晚去左ACM怎能如此音樂會做支援員, 哈....點解牧師呼召我地各自為自己教會祈禱時, 我會咁順口講左"希望元福成為元朗燈柱", 係燈柱!? 燈柱!? 乜唔知燈台咩??!!  Stephanie話佢忍唔住"kit"聲笑左出黎, 仲要佢話我知, 我先知!

牧師又係度不停呼召, 不斷叫會眾舉手, 又互相拍掌以鼓勵, 又圍住祈禱, 又同要同前後左右人講slogan, 又問大家去回應佢問題, 我一一都去做晒, 然後就呼召想復興既人站起, 我亦企左起身, 但點解咁少人既....依依個個仲都係男人tim, 我即時鼓勵Stephaine一齊起身啦, 點知佢笑住話"我唔係呀, 未到呀!  叫弟兄咋!", 下..下!!!! 係播牧師好似係叫男人起身先咋播, 我唯有一級一級慢慢坐番低, 好在都算坐係山頂位, 記住今晚聽清楚先好起身喇, 咪遊魂.

大隻仔公然釣魚!  都知你辛苦, 由wed 10:00至到thur 22:30, 又set lighting, 又收場, 又跟rehersal, 又無得訓.  開場後燈光柔和, 歌聲悅耳, 舞蹈精彩, 場館又不停放白煙清新劑, 此情此景一個"特快動作"好搶眼架!  不過見你整個人用相樸手形態唬人, 眼皮攞住個眼神黎燦住, 都唔會怪你既, 不過我見到弟兄眼中無樑木哩(靈魂外遊)!