46樓有幾高??  唔係好高架咋!

不過成日就會見到極少遇上既大隻昆蟲比如成隻手掌咁長既蚱蜢, 半隻手掌咁大既飛蛾或者果d我都唔知叫乜總之會飛既, 仲有仲有我好鍾意既鷹會好近咁徘徊係窗口對出... "正"!

拜拜啦... 46!   

我上周六又搬左返去陳大媽家啦, 要重新適應環境.  不嬲適應力好強既我, 無論身處邊個國家邊間酒店邊張床都唔會難到我, 點知返家後第一晚我輾轉反側到5點幾6點都訓唔到, 真係完全體會到果句 "心靈故然願意, 肉體卻柔弱了", 點算點算...第一日咋~~

因為舊居係5樓又無lift, 所以call左好多猛男幫手.  當架雞記車車到舊居時, 哈哈~就見到4個坐得好舒服兼發呆等開工既人, 佢地果一隻隻眼見到車就發晒光 四字口咁歡迎我地(唔怪得d明星會咁enjoy啦)       佢地定左神之後回復清醒, 就不停好多"嘩嘩嘩"聲, 攪到我更加覺得有點誇...一個人既野無家私都用左架 5.5噸車, 不過咁我佔左架車好少位架咋, 仲可以擺兩個男人係入面tim架!   

經過一輪苦力後, 大家就扯晒蝦咁上到我屋企, 係度再一次特別銘謝.....呀志, Ricky, 呀誠, 華哥, Peter 同呀恩, 多謝晒你地幫手呀!!      華哥 - 真係好開心你主動話幫我手呀!  恩 - 我得兩箱鞋盒咋!  誠 - 我果日都感受到被愛, 過左peak season 5月頭先再請你地食餐好!  Peter - 下次搬屋記住著樽領衫呀, waaahaaaa!  志 - 嘩, 修晒身六舊腹肌show off, 殺死左我啦!!  Ricky - "luck"轆... 搬屋最"找"忌, 下次咪喇!